PGMA, Dapat nang Magbitiw sa Puwesto – Pulse Asia

Rey Tamayo, Jr.

Ayon sa pinakahuling survey ng Pulse Asia, tinatayang tatlo sa bawat limang Pilipino (59 percent) ang naniniwala na dapat na umanong magbitiw sa kaniyang tungkulin bilang Punong Ehekutibo ng ating bansa si Pangulong Arroyo dahil sa di umano’y pagkakasangkot nito sa mga katiwalian at korupsiyon sa gobyerno.

Ang nasabing survey ay isinagawa noong Oct. 20 hanggang Oct. 31 sa pamamagitan ng personal na interbyu sa bawat indibidwal na mayroong 1,200 rumisponde na may sapat na gulang sa iba’t ibang panig ng ating bansa.

Ang pagtaas ng bilang ng porsiyento na dapat ng bumaba sa puwesto si Pangulong Gloria Macapagal Arroyo dahil sa mga kontrobersiyal na isyu na napabalita kamakailan sa mga pahayagan, radyo at telebisyon na pawang kinasasangkutan ni ginang Arroyo at sumira ng imahen bilang pangulo ng republika.

Ayon pa sa survey, ang ilan sa mga di umanao’y maanomalyang isyu na nakapag-pabagsak ng papularidad ng pangulo ay ang nangyaring suhulan sa mga kongresista at gobernador sa isang breakfast meeting sa Malacañang, pambobomba sa isang mall sa Makati (Glorietta 2), ang bangayan sa pagitan ni House Speaker Jose de Venecia at ng Pangulong Arroyo, kontrobersiyal na NBN-ZTE deal at ang pagkakaloob ng pardon sa kasong plunder ni dating Pangulong Joseph “Erap” Estrada.

Sa isinagawang survey ng Pulse Asia, bawat isang respondent ay tinanong kung ano ang dahilan kung bakit dapat magbitiw sa tungkulin si Pangulong Arroyo. Batay sa nakuhang resulta, mayroong dalawampu’t dalawang porsiyento (22%) ang nagsabi na kasabwat siya sa korupsyon, samantala labingsiyam na porsiyento naman (19%) ang naniniwalang sangkot ang kaniyang pamilya, at walong porsiyento naman (8%) ang nagpahayag na hinahayaan niya ang katiwalian sa gobyerno.

Isa sa bawat tatlong Pilipino (34%) naman ang naniniwalang may matibay na ebidensiyang magpapatunay na sangkot ang pangulo at ang kaniyang pamilya sa graft and corruption.

Samantala, nakakuha ng dalawampu’t limang porsiyento (25%) ang nagnanais na makisangkot sa malawakang kilos-protesta o anumang pagkilos upang kalampangin ang rehimeng Arroyo na bumaba sa kaniyang puwesto. At animnapu’t isang porsiyento (61%) naman ang gustong magpetisyong sa pamamagitan ng public signing upang manawagan ng kaniyang pagbibitiw.

Matatandaan kamakailan lamang ay pansamantalang sinuspende ng World Bank ang tinatayang US$232 milyong dolyar na gagamitin sana sa 2nd National Roads Improvement and Management Program ng bansa. Ang nasabing loan package ng Pilipinas ay nakalaan sa pagpapagawa ng iba’t ibang tulay at kalsada sa ilalim ng kasalukuyang administrasyon.

Ayon kay James W. Adams, Vice President of the East Asia and Pacific Region ng World Bank, dismiyado ang WB sa di umano’y lumalalang katiwalian at korupsiyon sa pamamahalang Arroyo kaya’t minarapat nilang na huwag munang ilabas ang naturang loan package para sa Pilipinas.

Aniya, kailangan umanong ipakita ng gobyerno ng Pilipinas na kaya nitong pigilan ang lumalalang katiwalian sa bansa at kung masusunod ng administrasyon ang mga binalangkas na mga kondisyon na inilatag ng pamunuan ng World Bank.

“Building on the experience of the first phase and the lessons learned from the INT (Department of Institutional Integrity) investigation, and in line with the World Bank’s governance and anti-corruption strategy, the government and World Bank team jointly developed stringent anti-corruption measures for the second phase of the program. With the INT report now completed, the discussion of the phase two project at the board has been deferred until the government and the board members receive the information they have requested,” anang statement na ipinalabas ng World Bank.

Leave a comment

No comments yet.

Comments RSS

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s